Dihet botërisht se Barcelonës i nevojitet një ndryshim galopant për të rikuperuar identitetin fitues dhe kjo rrugë parashikohet se do të jetë shumë e vështirë .
Ekonomia e dobësuar e ‘’ Los Cules ‘’ do të ketë kohën e përcaktuar për tu rigjeneruar por sipas perspektivës të deritanishme katalanasit janë në rrugë të mbarë . Disa nga elementët më të rëndësishëm të historisë së spanjollëve janë drejt përfundimit të karrierës dhe problematika aktuale është Sergio Busquets . 33 vjeçari është në metrat e fundit të saj dhe Barcelonës i nevojitet urgjentishti gjetja e një zëvëndësuesi ideal .
Drejtori sportiv Mateu Alemany ka nisur punën intensive në gjetjen e elementit të duhur dhe ka spikatur Boubacar Kamara i cili mbron ngjyrat e Marseilles.
21 vjeçari prej kohësh vijon të konsiderohet si një ndër talentët më të mëdhenjë në Francë dhe ky fakt nuk i ka shpëtuar Manchester United dhe Paris St Germain i kanë shpallur luftë spanjollëve .
Ky sezon mendohet se do të jetë përcaktues për të ardhmen e Boubacar Kamara-s sepse nëse do të vijojë me paraqitjet pozitive mund të ndërrojë shumë shpejt ‘’ Velodrome ‘’ për ‘’ Camp Nou ‘’ për ti shërbyer një Barcelonë e cila kërkon të hedhë pas krahevë një ndër periudhat më të vështira në histori .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
