Leo Messi vazhdon të shkëlqejë te Inter Miami, aty ku u transferua në merkaton e kësaj vere.
Argjentinasi ishte sërish protagonist me gol, këtë herë në finalen e Kupës së Ligës, ndaj Nashville.
Në minutën e 23-të, Messi realizoi një supergol, teksa me një gjuajtje nga jashtë zone me të majtën, e ndali topin në fundin e rrjetës.
Ndeshja u mbyll në barazim, teksa për Nashville shënoi Picault në minutën e 57-të. Fituesi u vendos nga penalltitë, aty ku skuadra e Messit ishte më saktë.
Inter Miami, festoi kështu fitimin e trofeut, që është edhe i pari për Messin me këtë fanellë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
