Hasan Gurabardhi, trajneri i cili ka arritur suksese të shumta në volejboll, ka thënë se Turqinë që ishte sot përballë Italisë e mposhti edhe Shqipëria, kur në stol ishte Christian Panucci. Në emisionin “Euro Zone” në MCN TV, Gurabardhi është shprehur se skuadra e Gunes sot ishte shumë e dobët.
“Trajneri më i dobët në historinë e Shqipërisë, Christian Panucci, fitoren më të madhe me të cilën krenohej, ishte fitorja ndaj kësaj Turqie. Prandaj them se italianët duhet të kenë kujdes nga euforia. Italia në 1982 nuk i llogariste njeri. Nuk po diskutoj ndeshje e Italisë sot, por çfarë kishte përballë. Turqia ishte shumë dobët”, tha Gurabardhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
