Shkëlqimi i Evan Ferguson tek Brightoni, po i siguron pretendentë cilësorë gjatë kësaj periudhe shumë të rëndësishme.
Manchester United ka hyrë në garë për sulmuesin, drejtuesit e të cilit thuhet se po përgatisin një ofertë të majme.
Irlandezi e finalizoi sezonin e shkuar me 6 gola dhe 1 asist në 32 sfida dhe ishte një ndër më të mirët në 11-shen e trainerit Roberto De Zerbi.
‘’ Djajtë e Kuq ‘’ sigurisht janë në proçes rindërtimi, një ekip i mbetur në prapavijë prej shumë vitesh por me Erik Ten Hagun në stol, drejtuesit besojnë se do ta rikthejnë historinë në favorin e tyre.
Në fakt ato të Brightonit shquhen për zbulimin e talentëve dhe 19 vjeçari prej tre vitesh e ka justifikuar investimin e bërë në të kaluarën, atëherë kur e transferuan nga Bohemian e Irlandës në Premier League.
Thuhet se oferta e krerëve të presidencës arrin 58 milionë eurot, mjaft tunduese për një ekip mesatar si Brightoni.
Por 20 herë kampionët e Premier Leagues do të masin forcat me Chelsean për Evan Ferguson, dy kandidatë potentë në aspektin ekonomik, të mbetur në prapavijë në atë sportiv gjatë viteve të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
