U luajtën ditën e sotme dy ndeshje të vlefshme për javën e 9-të në Superligën e Kosovës.
Drita nuk shkoi më shumë se barazimi 1-1 ndaj Ulpianës në transfertë. Skuadra nga Gjilani nuk e ruajti dot avantazhin e pjesës së parë, pas golit të Simonovski në minutën e 27-të, teksa në të dytën u barazuan, me vendasit që shënuan me Qerimin në minutën e 56-të.
Drita ngjitet në vendin e katërt me 13 pikë, ndërsa Ulpiana renditet në vendin e 8-të me 7 pikë.
Ndërkohë Drenica mposhti me shifrat e thella 4-0 Feronikelin. Dopieta e Ukës në minutat 12 dhe 60, si dhe golat e Denisson në minutën e 25 e Zabergja në minutën e 42, i dhanë një fitore të rëndësishme Drenicës, që tashmë kryeson renditjen me 17 pikë, ndërsa Feronikeli mban vendin e 7-të me 10 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
