Me marrjen e presidencës së Barcelonës, Joan Laportës i duket të riparojë disa problematika që e penalizojnë disi situatën financiare të Barcelonës. Për këtë arsye 58 vjeçari, ka deklaruar tashmë nxjerrjen në merkato të Philipe Coutinhos.
Kjo çështje e cila vazhdon të krijojë “dhimbje koke” për 26 herë kampionët e Primera Division, parashikohet se do të marrë zgjidhjen e merituar në merkaton e ardhshme, dhe për këtë arsye Joan Laporta sipas ”The Mirror”, ka deklaruar shifrën e 50 milionë eurove për ta lënë të lirë 28 vjeçarin nga Rio De Janeiro.
Konkretizimi i një hapi të tillë do ti shërbente shumë konsolidimit të arkave të “ Blaugranëve” sepse do të eleminonte automatikisht rrogën e ishit të Liverpoolit që është një nga lojtarët më të paguar tek Barcelona. Eksperienca e vyer tek Bayern Munich mendohej se do ti shërbente një rikthimi shpresëdhënës në mitikun ‘’ Camp Nou ‘’ por më kot, sepse nuk e ka bindur aspak hollandezin Ronald Koeman i cili tashmë nuk e konsideron pjesë të së ardhmes tek Barcelona .
Kjo situatë kaotike që e ka mbërthyer Philippe Coutinho-n reflektohet shumë qartë me statistikat e vakëta sepse është llogaritur në vetëm nëntë takime nga numri një i pankinës duke iu referuar sezonit aktual në të cilat ka shënuar vetëm tre gola dhe ka kontribuar me dy asiste për shokët e skuadrës, element që i pamundëson tashmë vijimësinë në gjirin Barcelonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
