Në garë për anëtar të KE, Xhixho: E kisha objektiv në jetë, më propozuan dy klube

Gazetari i sportit, Pano Xhixho, pak ditë më parë, u zyrtarizua si kandidat për anëtar të Komitetit Ekzekutiv të FSHF.

Në lidhje më këtë, në emisionin “Skaner” në MCN TV, ai tha se e ka pasur objektiv në jetën e tij për të qenë pjesë e futbollit, për të dhënë kontributin e tij, ndërsa falënderoi edhe dy klubet që e propozuan si kandidat për anëtar të KE.

“Të kontribuosh nuk është e thënë që të jesh vetëm nga njëra anë, mund të jem nga të dyja anët. Edhe propozimet që mund të vijnë nga fusha jonë, mediatike, mund të ecë përpara. Ne nuk e kemi garën mediatike apo publike. Ne duhet t’i mbushim mendjen kësaj familje të futbollit. Unë jo vetëm me shembullin tim, por dua t’i them të gjithë gazetarëve të tentojnë. Edhe Shoqata e Gazetarëve mund të kërkojë një federim në FSHF, që të ketë zë.

Unë e pranova me dëshirë propozimin e dy klubeve. E kisha si objektiv për të marrë pjesë këtu. Është shumë mirë që ne i kemi 3 kandidatë për president, pasi ishte përfolur shumë lart e poshtë.”