Fillimi i sezonit të ri nënkupton një veçanti për Atletico Madridin . ‘’ Los Colchoneros ‘’ do ta nisin si kampionë në La Liga pa e anashkaluar vëmëndjen nga Uefa Champions League . Fitimi i kampionatit i lejoi kryeqytetasve kthimin e faqes në Spanjë pas shumë vitesh luftë e sakrifica të pandalura . Diego Simeone është i ndërgjegjshëm se presioni do të bjerë i gjithi mbi lojtarët e tij sepse do ti duhet ta mbrojnë me çdo kusht këtë trofe të fituar me shumë djersë .
Pavarësisht suksesit traineri argjentinas ka patur disa probleme me dy anesorët Sime Vrsalkjo dhe Kieran Trippier . Dëmtimet nuk e kanë lejuar kroatin të shijojë në maksimum fushat e blerta ndërsa anglezi do të vuajë një dënim afatgjatë që e bën të detyrueshme ndërhyrjen e Atleticos në merkato . Për të reduktuar problemin spanjollët i kanë hedhur sytë tek lojtari i Leipzigut Nordi Mukiele . Francezi ka zhvilluar një sezon të shkëlqyer në Bundesligë dhe Atletico kërkon transferimin e tij sepse ofron shumë garanci për më tej .
Lajmi është konfirmuar nga ‘’ Bild ‘’ dhe ky opsion konsiderohet ndër të parët që mund të udhëtojnë drejt ‘’ Wanda Metropolitanos ‘’ gjatë verës .
Ky operacion kushton 30 milionë euro , shifër aspak problematike për Atletico Madridin . Pavarësisht dëshirës së madhe për të firmosur me 23 vjeçarin kampionët në fuqi Primera Division do të masin forcat me Paris St Germain sepse karakteristikat e Nordi Mukieles preferohen shumë nga drejtori sportiv Leonardo . Sezoni për shtatlartin e lindur në Montreuil të Francës është shoqëruar me 40 ndeshje , 4 gola dhe 2 asiste dhe ia kanë shtruar rrugën për një të ardhme të ndritur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
