Dani Alves u largua nga Barcelona pak javë më parë, pasi katalanasit vendosën të mos i rinovojnë kontratën.
Në rikthimin e dytë, braziliani 39-vjeccar, zhvilloi 14 ndeshje me Barcelonën, me të cilët u bashkua në merkaton e dimrit.
Megjithatë duket se mos rinovimi i kontratës, ka lënë një shije të hidhur te mbrojtësi i djathtë, i cili në një deklaratë të dhënë së fundmi, është shprehur se te Barcelona nuk i respektojnë lojtarët që kanë bërë historinë me këtë klub.
Nuk u largova i trishtuar, por i lumtur sepse realizova dëshirën për t’u rikthyer tek ata. E vetmja gjë që nuk më pëlqeu ishte mënyra si u menaxhua largimi im. Që kur erdha e bëra të qartë se nuk jam më 20 vjeç dhe dua të trajtohem ashtu si e meritoj, por te Barcelona gjërat kanë ndryshuar.
Ata nuk kanë më respekt për lojtarët që kanë bërë historinë në këtë klub. Si tifoz i tyre do doja që gjërat të ishin bërë ndryshe, por falënderoj Xavin dhe presidentin që më dhanë mundësinë të rikthehesha edhe njëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
