Frank Lampard nuk do të jetë më trajner i Evertonit. Drejtuesit e klubit, kanë vendosur të mbyllin bashkëpunimin me trajnerin anglez.
44-vjeçarit Lampard i kishin mbetur edhe 18 muaj nga kontrata që nënshkroi më 31 janar të vitit të kaluar, por këtë të hënë i është komunikuar shkarkimi.
Shkak për këtë vendim janë bërë rezultatet negative, ku në 20 javë, Everton numëron 3 fitore, 6 barazime dhe 11 humbje, ndërsa mbajnë vendin e parafundit më 15 pikë. Drejtuesit e Everton kanë nisur nga puna, për të gjetur trajnerin e ri, i cili do të zyrtarizohet në ditët e ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
