Prej vitesh tashmë Shakhtar Donetsk shquhet për blerjet e lojtarëve brazilianë me qëllimin e adaptimit të shpejtë dhe më pas të dalë e fituar në shitjen e tyre tek gjigandët e kontinentit të vjetër . Kjo formulë ka rezultuar e qëlluar nga ukrahinasit të cilët i dhanë dritën jeshile në të kaluarën largimit të talentëve si Fred, Willian , Fernandinho dhe Douglas Costa të cilët i siguruan shumë benefite arkave të klubit .
Kjo formulë vijon të ketë suksesin e mëparshëm sepse në skemat e italianit Roberto De Zerbi vijon të spikasë mbrojtësi Dodo i cili u transferua në merkaton dimërore të 2018 -tës nga portugezët e Bragës dhe me kalimin e kohës është shëndërruar në një lojtar përcaktues në prapavijë .
Tashmë Shakhtar Donetskut do ti duhet të analizojë të ardhmen e Dodo-s sepse sipas gazetarit të mirënjohur Ekrem Onur Tottenham Hotspuri dhe Bayern Munchen kanë shprehur interes për Dodo. Ukrahinasit kërkojnë 40 milionë euro për ta lënë të lirë brazilianin por ‘’ Gjelat e Londrës ‘’ kanë ofruar 20 milionë euro për ta transferuar në ‘’ White Hart Lane ‘’ .
Në anën e djathtë të mbrojtjes kryeqytetasit kanë në dispozicion Aurier dhe Doherty por Nuno Espirito Santo konsideron se londinezëve i duhet një lojtar cilësor për ta siguruar mbarëvajtjen e këtij pozicioni në sezonin vijues .
Ndërsa për Bayern Munchen mund të thuhet se oferta e tyre ishte më e madhe se ajo e Tottenham Hotspurit por drejtuesit e Shakhtar Donetsk e refuzuan menjëherë sepse nuk mendojnë të dorëhiqen nga pretendimi i tyre .
Duke qenë se kampionati ukrahinas ka filluar tashmë , Dodo është aktivizuar në vetëm 2 ndeshje por me këtë interes parashikohet se gjërat për të mund të ndryshojnë sepse kemi të bëjmë me dy kocka të forta si në kampionatet e tyre respektive ashtu edhe në kompeticionet europiane .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
