Premier League është shëndërruar në strehën e portierit Robert Sanchez i cili po impresionon me modestët e Brighton dhe fati i ka trokitur në derë spanjollit .
Ekipi më i fuqishëm në planet Newcastle United po përgatit një ofertë për gardianin 24 vjeçar e cila mendohet se do të jetë pak me tepër se 20 milionë euro sipas raportimeve të ‘ The Sun ‘.
Karriera e Robert Sanchez është zhvilluar vetëm në Angli , fakt që do të thotë se ka një eksperiencë të madhe pavarësisht se është aktivizuar me ekipe të dorës së dytë por mosha e re dhe kualiteti poshtë tre shtyllave ka bindur ‘’ Las Urracas ‘’ për t’ia hapur dyert e ‘’ St James Park ‘’.
Fundjava për të besuarit e Eddie Howe rezultoi një fatkeqësi sepse u mposhtën 5-1 në ‘’ White Hart Lane ‘’ nga Tottenham Hotpsuri duke stopuar ecurinë pozitive , disfatë nga e cila traineri anglez ka nxjerrë konkluzionet përkatëse .
Gjatë merkatos së janarit bardhezinjtë rrëmbyen mbrojtësin Dan Burn dhe kësaj here do të tentojnë ti dëmtojnë përsëri rivalët .
Gjithsesi duke qenë se është një ekip me shumë ambicje i cili ka nga mbrapa një mbështetje të fuqishme nga presidenca, po monitorohet me kujdes edhe Kepa Arrizabalaga , portier që prej vitesh shkëlqen në ‘’ Stamford Bridge ‘’ por problematika në të cilën ndodhet Chelsea mund ta përshpejtojë largimin e spanjollit nga Londra .
Lista nuk mbaron me kaq sepse edhe Dean Henderson është bërë pjesë e projektit të Newcastle United që synon të dominojë futbollin në vitet e ardhshme , duke filluar me sukseset në Angli e më pas ta shtrijë protagonizmin edhe në Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
