Kombëtarja shqiptare ka zhvilluar një mbrëmje vendimtare sonte në stadiumin “Air Albania” përballë Finlandës, në sfidën e vlefshme për Grupin C1 të Ligës së Kombeve.
Ernest Muçi dhe Rey Manaj ishin autorët e dy golave që i dhanë kuqezinjve avantazhin e dyfishtë 2-0 dhe tre pikë të arta në garën për kreun e grupit dhe ngjitjen në Ligën B.
Skuadra e drejtuar nga trajneri Rolando Maran e nisi takimin me vendosmëri dhe gjeti rrugën e rrjetës në minutën e 35-të.
Ishte Ernest Muçi ai që zhbllokoi rezultatin me një goditje spektakolare me të jashtmen nga distanca, duke e dërguar topin në këndin e portës finlandeze dhe duke ndezur atmosferën në stadium.
Me fillimin e pjesës së dytë, Shqipëria dyfishoi shifrat.
Në minutën e 50-të, pas një krosimi të saktë të Elseid Hysajt nga krahu, Rey Manaj u shkëput mjaft mirë në qendër të zonës mes mbrojtësve kundërshtarë dhe goditi saktë me kokë për të çuar rezultatin në 2-0.
Për të vështirësuar edhe më tej misionin e miqve, në minutën e 67-të Finlanda mbeti me 10 lojtarë në fushë, pas ndëshkimit me karton të kuq të mbrojtësit Miro Tenho.
Me këtë sukses përballë rivalit direkt në grup, Shqipëria bën një hap gjigant drejt sigurimit të vendit të parë në Grupin C1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
