U luajtën ditën e sotme 3 ndeshje, të vlefshme për javën e 13-të, në Superligën e Kosovës, aty ku nuk munguan edhe surprizat.
Ulpiana shtangu Drenicën në shtëpi, duke e mposhtur minimalisht, falë golit të shënuar nga Marclei në minutën e 86-të.
Një fitore tejet të rëndësishme ka marrë edhe Ballkani, që mposhti 2-0 Dritën, duke i kaluar në renditje dhe duke marrë kështu kryesimin.
Dopieta e shënuar nga Theofilus Solomon në minutat 54 dhe 58, i dhanë fitoren Ballkanit, që tashmë e sheh veten në krye të renditjes me 24 pikë, 2 pikë më shumë se ndjekësit e Dritës.
Llapi ka regjistruar fitoren e dytë radhazi në kampionat, teksa mposhti minimalisht Malishevën në transfertë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
