Ecuria premtuese e Vinicius Junior me Real Madridin po i siguron oferta tejet të bujshme jashtë Europës.
Në Arabinë Saudite Al- Ahli, Al-Nassr dhe Al- Hilal do të masin forcat për të përfituar shërbimet e brazilianit, shumë i rëndësishëm në 11-shen e Carlo Ancelottit.
Flitet për një shifer rekord prej 350 milionë eurosh për 24 vjeçarin, lajm i raportuar nga gazetari i mirënjohur Ben Jacobs.
Paraprakisht bosi i ‘’ Los Merengues ‘’ Florentino Perez i ka bërë llogaritë dhe ka përcaktuar një klauzolë prej 1 miliard eurosh për prishjen e kontratës, ç’ka e bën gati të pamundur tentativën e çdo ekipi, i cili e përfundon atë në 2027-tën.
Ambicja e ekipeve të kësaj lige është shumë e madhe pasi duan ta rrisin cilësinë, të cilët në vitet e fundit kanë arritur marrëveshje me lojtarë shumë të famshëm, si Cristiano Ronaldo apo Karim Benzema, ndër të tjerë.
Momentalisht e ardhmja e asit të ofensivës konsiderohet në pikpyetje por gjithsesi pritet një reagim nga drejtuesit e ‘’ Los Blancos ‘’ në vijimësi.
15 gola dhe 9 asiste në 26 sfida numëron Vinicius Junior., një statistikë e cila meriton të merret në konsideratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
