Sulmuesi shqiptar Eljon Toçi, ka tërhequr vëmendjen e opinionit sportiv në Itali ditën e sotme. 19-vjeçari ishte protagonist absolut me të rinjtë e Fiorentinës ditën e sotme, teksa shënoi 3 herë ndaj Romës, për të kualifikuar skuadrën e tij në finalen e Kupës së Italisë.
Sfida u mbyll 5-2 në favor të Fiorentinës, ku 3 golat u shënuan nga Toçi, i cili u shfaq në superformë.
Në finale, skuadra nga Firence do të përballet me Atalantën, me këta të fundit që eliminuan ditën e sotme Empolin.
Përsa i përket kombëtareve, Toçi aktivizohet me Shqipërinë U-21, teksa luajti për 77 minuta ndaj Anglisë dhe 8 minuta në fund ndaj Çekisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
