Me një këmbë larg ‘’ Parque De Prince ‘’ të Mauro Icardit , drejtuesit e Paris St Germain nuk kanë të ndalur në objektivin e gjetjes së zëvëndësuesit ideal të tij . Zërave të shumtë që e lidhin me një rikthim të mundshëm në Serinë A i janë shtuar kryeqytetasit që kanë vënë në fokusin e tyre Sergio Agueron .
Eksperienca e madhe e akumuluar në tërë këto vite nga ‘’ El Kun ‘’ vazhdon ta bindë bashkombasin Mauricio Pochettino për të besuar në aftësitë e 32 vjeçarit duke e shëndërruar në më interesante të ardhmen e kuq e bluve . Drejt fundit të aventurës me ‘’ The Citiziens ‘’ , për ishi-n e Indipendiente de Avellanedas kontrata aktuale merr fund pikërisht në 30 qershorin e ardhshëm , muaj që do të shënojë largimin përfundimtar nga i famshmi ‘’ Etihad Stadium ‘’.
Duhet theksuar se Sergio Aguero do të përshendetet me Premier Leaguen si një legjendë dhe me synimin e qartë për mos ta ndalur vrullin drejt suksesit të mëtejshëm . Transferimet e bujshme tek ‘’ Los Pariziens ‘’ me siguri do t’ia mbajnë gjallë shpresën Sergio Agueros në gjetjen e mbështetjes së duhur në funksion të përmirësimit konstant në fushën e lojës.
Me shtimin e pretendentëve e ardhmja e golashënuesit të mirënjohur bëhet edhe më intersante sepse konceptohet si një vlerësim për kontributin e deritanishëm në botën e futbollit. Tashmë lufta automatikisht do të ashpërsohet edhe më tepër për transferimin e Sergio Agueros dhe merkatoja e verës pritet ti japë fund kësaj historie për të startuar një tjetër e cila parashikohet se do të rezultojë tepër tërheqëse .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
