Portieri shqiptar, Etrit Berisha nuk po kalon një moment të mirë në Itali, aty ku është pjesë e skuadrës së Torino.
Shqiptari nuk është zgjedhje e parë e trajnerit dhe për këtë arsye, pritet të largohet në merkaton e janarit. Interesimet për gardianin kuqezi nuk mungojnë, teksa së fundmi në skenë ka dalë skuadra e Salernitana.
Këta të fundit janë në kërkim të një portieri, pas dëmtimit të Sepe dhe kanë zgjedhur Berishën si alternativë të parë. Edhe 33-vjeçari do pranonte një kalim te Salernitana, pasi do të kishte më shumë minuta në dispozicion.
Torino ka kërkuar shërbimet e Mazzocchi, për të cilin Salernitana kërkon 8 milionë euro dhe në marrëveshje mund të përfshihet pikërisht Berisha. Torinezët kanë menduar një ofertë 5 milionë euro, plus shërbimet e portierit shqiptar, për të bindur Salernitanën, që të heqë dorë nga shërbimet e Mazzocchi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
