Sfida me Skënderbeun, Vllaznia pa dy mbrojtësit e krahut

Vllaznia po kalon një moment të mirë në kampionat, teksa vjen pas dy fitoreve radhazi, ndaj Dinamos dhe së fundmi ndaj Tiranës.

Shkodranët do të kërkojnë të vazhdojnë me këtë ecuri, teksa synojnë fitoren në ndeshjen e fundit për këtë vit, atë ndaj Skënderbeut.

Sfida do të luhet në Shkodër dhe kuqeblutë duan fitoren, por nuk do të jetë e lehtë. Përveç vështirësisë së kundërshtarit, te Vllaznia duhet të bëjnë edhe pa dy titullarë.

Bëhet fjalë për mbrojtësin e djathtë, Geralb Smajli dhe atë të majtë, Esin Hakaj.

Smajli u ndëshkua me të verdhë ndaj Tiranës dhe ka plotësuar numrin e kartonëve, ndërsa Hakaj u ndëshkua me të kuq, në fund të takimit.