Portieri Neto Murara mbetet një ndër elementët me më shumë opsione për tu larguar nga ‘’ Camp Nou ‘’ në merkaton aktuale . Prezenca e Ter Stegen e ka lënë në stol dhe kjo situatë konsiderohet e papërballueshme nga braziliani.
Seria A dhe Premier League janë dy destinacione që mund t’ia shpëtojnë karrierën 32 vjeçarit i cili sipas ‘ Mundodeportivos ‘ preferon ta hedhë pas krahëve periudhën e vështirë tek Barcelona .
Largimi i Neto Muraras do ti hapte rrugë Inaki Penas për tu bërë zgjedhja e dytë e Xavi Hernandez pas portierit gjerman dhe kështu të gjitha palët do të dilnin të fituara .
Eksperienca në Spanjë dhe Itali sigurisht nuk ka kaluar lehtë sepse Neto Murara ka marrë një lloj vlerësimi dhe ka arritur të tërheqë Romën dhe Arsenalin . ‘’ Verdhekuqtë ‘’ dhe ‘’ Topchinjtë ‘’ po mendojnë ofertën në drejtim të gardianit të portës por fillimisht duhet të negociojnë me katalanasit për të firmosur me lojtarin nga Minas Gerais .
Drejt varjes së këpucëve në gozhdë , kuptohet se Neto Muraras i duhet të aktivizohet sa më shumë për të rikuperuar terrenin e humbur dhe të ketë mundësi për të reflektuar potencialin .
Tek Barcelona e ka kuptuar me kohë se nuk ka vend , aq më tepër kur dihet se spanjollët janë drejt një revolucioni dhe nevojitet një kohë e gjatë për të qenë në lartësinë e ekipeve të elitës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
