Italia ia doli të fitojë finalen për vendin e tretë në Ligën e Kombeve, teksa mposhti me rezultatin 2-3 Holandën. Një ndeshje spektakolare dhe e luftuar deri në fund, kur triumfues dolën italianët që morën edhe medaljen e bronzit. Sa i përket ndeshjes, skuadra e Mancinit e nisi shumë mirë, duke shënuar dy herë me Dimarco në minutën e 6-të dhe Fratessi në minutën e 20-të. Me këtë rezultat u mbyll pjesa e parë, ndërsa e dyta nisi me Holandën më kërkuese. Bergwijn ngushtoi diferencat në minutën e 68-të, por vetëm 4 minuta më vonë, Italia shënoi të tretin me sulmuesin Chiesa. Në minutën e 89-të, ishte Wijnaldum që shënoi për “tulipanët”, por vetëm kaq, pasi italianët u mbrojtën mirë dhe ia dolën të fitojnë finalen e vogël. Në orën 20:45, do të luhet finalja e madhe mes Kroacisë dhe Spanjës, me skuadrat që do të kërkojnë trofeun e këtij edicioni të Ligës së Kombeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
