Largimi i Miralem Pjanic nga ‘’ Camp Nou ‘’ mbetet një ndër objektivat kryesorë të Barcelonës në këtë merkato verore . Boshnjaku është cilësuar si një ndër transferimet më të dështuara në historinë e spanjollëve sepse nuk ka reflektuar pothuajse asgjë në fushë , arsye e cila e ka shtyrë trainerin Ronald Koeman për ta anashkaluar definitivisht .
Megjithatë e kaluara e suksesshme në Serinë A ia ka mbajtur gjallë shpresat për tu rikthyer në kohët e arta sepse pas Juventusit edhe Milani ka treguar interes për 31 vjeçarin .
Transferimi i Manuel Locatellit tek ‘’ Zonja e Vjetër ‘’ e ka ndryshuar krejtësisht skenarin e të ardhmes së ishi-t të Romës dhe kuqezinjtë kanë menduar huazimin e tij me opsionin e blerjes në varësi të rendimentit .
Pengesa e vetme në këtë histori është paga e mesfushorit të mirënjohur e cila arrin 16 milionë eurot në sezon , shifër që konsiderohet si e tepërt nga Milani sidomos pas problematikave të shkaktuara nga koronavirusi.
Transferimi tek një ekip që do ti sigurojë aktivizimin si titullar është një domsdoshmëri për Miralem Pjanic për të rikuperuar kohën e humbur në Katalunjë. I ashtuquajturi ‘’ Mire ‘’ e ka finalizuar sezonin me 30 ndeshje të cilat i kanë dhënë një leksion shumë të rëndësishëm për ta hedhur ashtu siç duhet hapin e rradhës në karrierë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
