Portieri Yann Sommer, ka njoftuar tërheqjen nga kombëtarja e Zvicrës. Lojtari vendos ta mbylle aventurën e tij te kombëtarja helvete, pas 12 viteve, ku zhvilloi 94 ndeshje.
Sommer e bëri të ditur vendimin, nëpërmjet një letre të postuar në rrjetet e tij sociale.
Kam vendosur që ta mbyll karrierën si portier për përfaqësuesen e Zvicrës. Ishte një nder dhe privilegj i madh të përfaqësoja vendin tim në nivelin më të lartë për 12 vjet dhe në 94 ndeshje ndërkombëtare.
Koha ime në përfaqësuese do të thotë shumë për mua. I shikoj me krenari momentet e shumta të paharrueshme, lojërat emocionuese, fitoret që festuam së bashku dhe sfidat që kemi kaluar së bashku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
