Rrugëtimi i Astana në Conference League është mbyllur ditën e sotme. Kazakët janë eliminuar nga skuadra finlandeze e KuPS. Pas ndeshjes së parë që u mbyll në barazim 1-1, ajo e kthimit e cila u zhvillua ditën e sotme, ishte me të vërtetë spektakolare, teksa u shënuan plot 7 gola.
Ishte ish-sulmuesi i Kukësit, braziliani Rangel, i cili i futur në fillim të pjesës së dytë në fushë, realizoi 3 herë për KuPS, me këta të fundit që triumfuan 3-4 dhe u kualifikuan më tej.
Rangel realizoi në minutat 53’, 61’ dhe 74’, ndërsa golin e katërt për KuPS e shënoi Ikaunieks në minutën e 77-të.
Tek Astana luan edhe ish-mbrojtësi i Partizanit, Eneo Bitri, i cili në ndeshjen e sotme ishte titullar, por nuk ia doli dot të lërë shenjë. Kujtojmë se Lucas Rangel ishte pjesë e Kukësit në sezonin 2016/2017, duke e mbyllur aventurën shqiptare me tre gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
