Shqipëria U-19, ka nisur kualifikueset e Europianit për këtë grupmoshë me humbje. Skuadra e drejtuar nga Ervin Bulku, u mposht me rezultatin 3-1 nga Irlanda.
Në ndeshjen e zhvilluar në “Elbasan Arena”, kuqezinjtë nuk ia dolën të marrin dot fitoren. Irlandezët kaluan të parët në avantazh me O’Mahony në minutën e 5-të, ndërsa barazoi për Shqipërinë Krasniqni në minutën e 23-të.
Ishte përsëri O’Mahony, i cili kaloi Irlandën në avantazh në minutën e 56-të, ndërsa 3 minuta më vonë Umeh vulosi shifrat, duke shënuar për 3-1.
Kjo ishte ndeshja e parë në Grupin e Shqipërisë, aty ku ndodhen gjithashtu edhe Belgjika e Sllovenia, të cilat barazuan 1-1 mes tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
