Kukësi është dorëzuar me rezultatin 0-1 kundër Vllaznisë, e cila është hakmarrë ndaj verilindorëve për atë humbje të vetme që kanë shkodranët deri në këtë fazë të kampionatit.
Në Elbasan Arena vendimtar për supersfidën e javës së 14 u tregua Arlind Kalaja, i cili përfitoi nga një top i grushtuar jo mirë nga portieri Tafa.
Me këtë fitore Vllaznia vijon të shkëputet pa kërcënimin e asnjë ekipi në majë të Superligës. Aktualisht ekipi shkodran është në kuotën e 32 pikëve, 9 më shumë se Teuta ndjekëse, e cila po sot mposhti 2-0 Bylisin në Niko Dovana.
Sakaq kjo humbje thellon akoma më shumë krizën te Kukësi. Për verilindorët kjo është disfata e katërt radhazi në kampionat dhe e pesta në gjashtë ndeshjet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
