Ndërron jetë ikona e futbollit gjirokastrit dhe atij shqiptar, Sefedin Braho. Legjenda e Luftëtarit, ekipit Gjirokastrit ka mbyllur sytë përgjithmonë në moshën 71 vjeçare.
Sefedin Braho e nisi karrierën e tij artistike pa patur mbështetjen e askujt duke u bërë një nga sportistët më të mirë që kishte jo vetëm Luftëtari por e gjithë liga sportive.
Pas Gjirokastrës ai debutoi edhe tek ekipi i Partizanit duke lënë gjurmët e tij. Braho shkoi te Partizani i shumëpritur, por në të vërtetë dëshirën e kishte të qëndronte në Gjirokastër, pranë familjes. Në ndeshjen e tij të parë në këtë klub ai u përball me ish ekipin e vete ku shënoi 6 gola.
Dy vjet, ky ka qenë limiti kohor i qëndrimit të Brahos në klubin e kuq. Sefedin Braho është i vetmi futbollist që, si asnjë tjetër, erdhi, luajti dhe u largua nga Partizani me dëshirën e tij.
Ndërsa të gjithë e kishin ëndërr të luanin e të qëndronin me klubin ushtarak, pasi fama dhe karriera e një lojtari mund të startonte shumë mirë nga ky klub, për Brahon ishte e kundërta, nuk linte dot Gjirokastrën.
Sefedin Braho mund të ishte futbollisti më i shpejtë i kampionateve shqiptare ndër vite. Me një start dhe sprint të tillë, rrallë kanë parë pistat dhe fushat e futbollit.
Një shpejtësi natyrale, një aftësi e tij e kombinuar me topin në lëvizje, driblimi, ishin cilësitë që e karakterizonin në individualitetin e tij.
Në testime fizike realizonte kohë rekord në garat e distancave të shkurtra, ideale dhe të admirueshme për atlet të nivelit të lartë të cilat spikaten prej momentit të parë.
Pavarësisht politikës së atyre viteve që u munduan ta dënonin dhe asaj që erdhi më vonë, e cila u mundua ta "joshte", Braho asnjëherë nuk u bë pjesë e saj.
Ish futbollist por përherë prezentë në çdo ndeshje të ekipit gjirokastrit, ekipit të zemrës për të dhënë këshilla të vlefshme për lojtarët e rinj.
Ai kurrë nuk pranoi të bëhej trajner, por mik i të gjithë lojtarëve. Sefedin Braho ka qenë dhe mbetet një ndër talentet e mëdha të futbollit tonë qe do ti mungojë të gjithëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
