Trajneri i Vllaznisë, Qatip Osmani, foli për MCN TV, pas humbjes me Laçin.
Osmani u shfaq i zhgënjyer për rezultatin, duke thënë se disa lojtarë nuk janë në formë dhe kanë humbur shpirtin luftarak e mentalitetin fitues.
Çdo humbje nuk është e mirë. Sot ishte lojë e ngadaltë, pa dyluftimet. Shumicën i kemi humbur. Në sulm nuk kishim lëvizje. Kishim 4-5 lojtarë që rrinin në vijë, nuk shkëputeshim prej mbrojtjes së kundërshtarit. Shumë pak raste. Pjesa e dytë e njëjta gjë. Pasi morëm golin u munduam me ndërrime të freskojmë sulmin dhe nuk arritëm, rezultati është ky që është.
Them se pauza, përsa i përket freskisë na erdhi mirë. Ndoshta humbja e formës së disa lojtarëve e bën të veten. Nuk kemi shpejtësinë që patëm në periudhën e rezultateve të mira. Humbëm shpirtin luftarak dhe mentalitetin fitues. Mbeten dhe 5 ndeshje për t’u kthyer atyre rezultateve.
E përmenda për lojtarët jashtë forme. 1-2 lojtarë dhe bëhet diçka, por kur janë disa lojtarë është problem.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
