Për Neymar, finalet e Kupës së Botës 2014 i sjellin kujtime të dhimbshme. Mbante peshën e vendit pritës mbi supet e tij, superstari brazilian, i cili ishte vetëm 22 vjeç në atë kohë, ishte i detyruar për të parë ekipin e tij duke u mposhtur 7-1 nga Gjermania në gjysmëfinale.
Ajo ndeshje ishte një nga rezultatet më tronditëse në historinë e Kupës së Botës – por Neymar nuk kishte të gjithë përgjegjësinë pasi ai kishte pësuar një lëndim të rëndë kundër Kolumbisë në raundin e mëparshëm.
Neymar ka qenë i shkëlqyer për Brazilin deri në atë pikë, duke shënuar katër gola në fazën e grupeve.
Por, pjesëmarrja e tij në turneun u ndërpre kur në sfidën ndaj kolumbisë u dëmtua nga lojtari Juan Zuniga.
“Më kujtohet që kam pasur kokën në tokë, dhe Marcelo që thonte: “Jo, jo …ta marrin mjekët”. Dhe unë i thashë: “Jo, jo, jo. Unë dua të luaj. “Sepse unë kam kërkuar të shënoj”. Sepse unë isha i çmendur. Hahaha! Unë nuk mund të kthehesha dhe mjekët erdhën dhe më thanë: “Si je?” dhe i thashë, Jo, jo, jo, unë jam duke u kthyer për të vazhduar”. Por unë nuk mund të arrija të ndjeja këmbët e mia. Unë nuk mund të lëvizja këmbët e mia. Dhe mjeku më mori mua dhe fillova të…të qajë. Për shkak se ajo ishte shumë e dhimbshme dhe unë nuk u ndjeja asgjë. Unë nuk i ndjeja këmbët e mia, kështu që unë shkova në spitalin që është në stadium. Dhe ata u larguan dhe më kujtohet se kam qenë me këmbën time kërrusur. Dhimbje të pabesueshme, e pabesueshme. Dhe pastaj e kuptova se nuk kishte asnjë mënyrë për të vazhduar. Në spital, bënë testet dhe të gjitha, dhe doktori më tha: “Unë kam dy lajme për ty, një të mirë dhe një të keq”. Dhe unë i thashë lajmin e keq më parë. Doktori më tha se lajmi i keq është që nuk mund të luaja më në Kupën e Botës. Pastaj e pyeta për lajmin e mirë dhe lajmi i mirë është që mund të ecja sërish me këmbët e mia”.
Ylli brazilian tregon që të pranishëm në spital ishin e gjitha familja e tij, e dashura, babai, motra, nëna dhe shumë miq të tjerë. Për fat të mirë, Neymar u rikthye plotësisht dhe tani është optimist për Kupën Botërore në Rusi vitin e ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
