Sulmuesi i Kosovës, Milot Rashica do të luajë në Premier League sezonin tjetër. Futbollisti është larguar nga skuadra e Werder Bremen, teksa ditën e sotme është zyrtarizuar te Norwich. Këta të fundit u rikthyen në Premier League pas një sezoni në Championship dhe për këtë arsye kanë kërkuar që në skuadër të afrojnë lojtarë cilësorë, për të arritur objektivat.
Rashica firmosi një kontratë 4-vjeçare, me klubin anglez që pagoi 11 milionë euro për të marrë shërbimet e kosovarit nga Werder Bremen. 24-vjeçari bëhet kështu lojtari i dytë më i shtrenjtë te Kosova, pas Vedat Muriqit, i cili u transferua në verën e kaluar te Lazio nga Fenerbahce për shifrën e 20 milionë eurove.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
