Tirana u shpall zyrtarisht kampione e Shqipërisë, pasi mposhti Partizanin në derbi. Megjithatë duket se pas një sezoni të shkëlqyer me bardheblutë, disa nga lojtarët pritet të largohen.
I pari që do e bëjë diçka të tillë është mbrojtësi Erion Hoxhallari. Ky i fundit pritet ta vazhdojë karrierën në Rumani, te skuadra e UTA Arad, aty ku luan edhe ish-lojtari tjetër i Tiranës, Idriz Batha.
Mediat rumune e bëjnë të kryer si operacion dhe zyrtarizimi mund të vijë shumë shpejt. Mbrojtësi doli nga kryeqytetasit dhe mbajti veshur fanellën bardheblu në Superligën shqiptare, përjashtim bëjnë sezonet ku u dërgua në huazim te Teuta dhe Laçi.
Me paraqitjet e tij ra në sytë e Kombëtares, me të cilën dhe është grumbulluar. Hoxhallarit i mbaronte kontrata në fundin e këtij sezoni, të cilën e zgjati vetëm afër fundit të muajit shkuar deri në vitin 2023.
Mbetet për t’u parë nëse Tirana do përfitojë diçka nga largimi i Hoxhallarit në klubin rumun, që mban vendin e tetë në renditje dhe ndodhet në ligën e parë prej dy vitesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
