Pavarësisht interesit të Real Madridit për Kylian Mbappe, edhe në Premier League ka filluar një garë ndërmjet Liverpoolit dhe Arsenalit për francezin.
Kontrata e ishi-t të Monacos me Paris St Germain përfundon në 30 qershorin e 2024-tës, i cili në të kaluarën theksoi se e admiron trainerin Jurgen Klopp dhe lojën që zhvillon Liverpooli.
Gjithsesi edhe ‘’ Topchinjtë ‘’ konsiderohen një rival serioz, të cilët mund ta përballojnë koston e këtij operacioni.
Do të jetë një sfidë e vështirë dhe ndoshta me të papritura gjatë merkatos se verës duke qenë se flitet për një ndër sulmuesit më të mirë në qarkullim, prezenca e të cilit për çdo ekip do të konsiderohej një privilegj.
Nuk përjashtohet as qëndrimi në ‘’ Parque de Prince ‘’ por gjithçka do të varet nga performanca e ‘’ Les Pariziens ‘’ në vijimesi, objektivi i të cilëve është vijimi për më tej në Champions League, pasi deri më tani në Ligue 1 kryesojnë në renditje.
16 gola dhe 2 asiste në 16 sfida flasin qartë se kemi të bëjmë me një element shumë të rrezikshëm në metrat e fundit, tejet i sikletshëm në duelet një kundra një dhe një ndër nxënësit më shembullorë të trainerit Luis Enrique.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
