Me një dëshirë të madhe për tu përmirësuar , Barcelona e ka shumë të qartë se duhet të bëjë disa ndryshime gjatë merkatos së janarit për të qënë në formën e duhur në pjesën finale të sezonit . Katalanasit janë drejt rigjetjes së vetvetes dhe prurjet e ardhshme konsiderohen jetike për të hedhur pas krahëve situatën e vështirë të përjetuar .
Sipas ‘ Daily Mail ‘ kësaj rradhe traineri Ronald Koeman ka preferuar eksperiencën dhe është fokusuar tek Edinson Cavani .
Uruguajani e ka humbur disi protagonizmin tek Manchester United sidomos pas rikthimit të Cristiano Ronaldos në ‘’ Old Trafford ‘’ dhe ‘’ Los Cules ‘’ kërkojnë të përfitojnë nga kjo situatë për ta përfshirë në organikë . Spanjollët tentuan blerjen e 34 vjeçarit edhe në të kaluarën por dështimi i atëhershëm i ka forcuar më tepër .
Pavarësisht moshës , sulmuesi nga Salto e ka treguar gjithmonë se është një element shumë i rëndësishëm për Manchester United dhe nëse i referohemi aktualitetit të ‘’ Djajëve të Kuq ‘’ rruga më e përshtatshme për ‘’ El Matador ‘’ është ndërrimi i ambjentit për të patur më tepër hapësirë .
Megjithatë një faktor që vijon ta pezullojë Barcelonën është rroga e lartë e sulmuesit të kombëtares ‘’ Charrua ‘’ dhe zgjidhja e vetme do të ishte ulja e pretendimeve për arsye të problematikave të spanjollëve në lidhje me aspektin ekonomik. Largimi i Lionel Messit vijon të ndikojë në mungesën e finalizimit tek ‘’ Blaugranët ‘’ të cilëve i duhet me patjetër një lojtar që bën diferencën dhe Edinson Cavani konsiderohet i duhuri .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
