Shqipëria U-19, u mposht në miqësoren e dytë nga moshatarët e Kosovës me rezultatin 5-2, ndeshje e luajtur në stadiumin e Egnatias në Rrogozhinë.
Kosova realizoi golin e parë që në minutën e 10-të me Eliot Selishta. Dardanët dyfishuan rezultatin menjëherë me Leart Hotin në minutën e 12-të, ndërsa golin e tretë e realizoi sërish Eliot Selishta në të 27-ën.
Shqipëria pas disa rasteve të mira gjeti rrugën e rrjetës vetëm në fundin e pjesës së parë, në kohën shtesë me Flavio Sulejmanin.
Në fraksionin e dytë kuqezinjtë shënuan golin e dytë në minutën e 77-të me Frederik Toskun. Megjithatë Kosova U-19 realizoi edhe dy gola të tjerë deri në fundin e takimit me Elvaris Suplja dhe Medin Gashi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
