Milani është pranë titullit kampion dhe me fitoren ndaj Hellas Verona, tashmë kuqezinjtë e shikojnë trofeun vetëm dy ndeshje larg. Përveç lojtarëve dhe trajnerit Pioli, meritë e padiskutueshme për këtë arritje, është edhe e drejtorit të Milanit, Paolo Maldini.
Pasi shkëlqeu si lojtar, tashmë Maldini të njëjtën gjë po bën edhe si drejtues. Duke folur pas ndeshjes me Hellas Veronën, ai u shfaq me këmbë në tokë, duke thënë se ka ende edhe dy ndeshje për të arritur titullin.
Ishte një ndeshje e bukur, por mori vlerë më shumë prej rezultatit. Goli i tyre mund të na kishte futur në krizë sepse skuadra nuk ka përvojë. Për mënyrën e reagimit djemtë meritojnë elozhe. Bënë atë që u kërkohej.
Kemi ende kohë për titullin pasi kanë mbetur edhe dy ndeshje. Në këtë kampionat nuk ka asgjë të lehtë. E pashë Atalantën, ata janë një ekip ende i gjallë, që akoma luajnë për Europë dhe kanë lojtarë të nivelit të lartë. Padyshim, një presion i madh për ne, por do ta përballojmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
