Kylian Mbappé është bërë futbollisti i parë në histori që fiton dy herë radhazi Këpucën e Artë të Kupës së Botës, pasi u shpall golashënuesi më i mirë i Botërorit 2026 me 10 gola në tetë ndeshje.
Sipas BBC, sulmuesi francez la pas Lionel Messin, i cili e mbylli turneun me tetë gola, duke siguruar për herë të dytë radhazi çmimin e golashënuesit më të mirë, pas triumfit edhe në Katar 2022.
Me 10 realizime, 27-vjeçari u bë lojtari i parë që arrin shifra dyshifrore në një Botëror që nga Gerd Müller me Gjermaninë Perëndimore në vitin 1970.
Vetëm Just Fontaine (13 gola në 1958) dhe Sándor Kocsis (11 gola në 1954) kanë shënuar më shumë në një edicion të vetëm të Kupës së Botës.
Mbappé vendosi edhe një tjetër rekord historik, duke u bërë golashënuesi më i mirë i të gjitha kohërave në Kupën e Botës me 22 gola, një më shumë se Lionel Messi.
Megjithatë, francezi pranoi se do ta kishte ndërruar me kënaqësi çmimin individual me një vend në finalen e madhe.
"Kur shënon kaq shumë gola në Kupën e Botës, sigurisht që arrin një nivel tjetër. Por do të preferoja të mos isha golashënuesi më i mirë dhe të luaja në finale. Kjo do të jetë e rëndësishme për trashëgiminë time kur të tërhiqem, por jo tani," u shpreh Mbappé.
Kampionia e botës, Spanja, dominoi edhe në ndarjen e çmimeve individuale.
Kapiteni Rodri u shpall Lojtari më i Mirë i Turneut, duke fituar Topin e Artë, pas një Botërori ku ishte lideri i padiskutueshëm i mesfushës spanjolle.
Ky është një tjetër trofe prestigjioz në karrierën e tij, pas Topit të Artë dhe çmimit si lojtari më i mirë i Euro 2024.
Lionel Messi fitoi Topin e Argjendtë, ndërsa Kylian Mbappé u rendit i treti dhe mori Topin e Bronztë.
Portieri Unai Simón fitoi Dorezën e Artë, pasi pësoi vetëm një gol në tetë ndeshje dhe mbajti portën të paprekur në shtatë prej tyre, duke qenë një nga shtyllat kryesore të suksesit të Spanjës.
Ndërkohë, Pau Cubarsí u shpall Lojtari më i Mirë i Ri i Botërorit.
Qendërmbrojtësi 19-vjeçar i Barcelonës luajti çdo minutë të turneut dhe ishte lideri i një mbrojtjeje që pësoi vetëm një gol gjatë gjithë kompeticionit, duke kontribuar në rikthimin e Spanjës në majën e futbollit botëror pas triumfit të vitit 2010.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
