Stefano Pioli do të largohet nga drejtimi i Milanit në fund të sezonit dhe kjo nuk ka dyshime.
Eliminimi nga Europa League, e ka mbushur kupën te drejtuesit kuqezi, që kanë vendosur të ndryshojnë timonierin.
Pas largimit nga Milani, Pioli nuk pritet të qëndrojë gjatë pa skuadër. Sipas raportimeve të fundit nga Italia, thuhet se në gjurmët e 58-vjeçarit, është vendosur Napoli.
Presidenti De Laurentiis, ka gati një kontratë dy-vjeçare për Piolin dhe pritet që në ditët e ardhshme të nisin bisedimet mes palëve.
Tekniku kuqezi, pëlqehet shumë te Napoli, skuadër që sezonin e kaluar fitoi titullin, ndërsa këtë sezon ka hasur vështirësi të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
