Falë rendimentit tek Bayer Leverkusen Florian Wirtz është shëndërruar në një lojtar tejet të preferuar në merkato. Barcelona konsiderohet një ndër pretendentët më seriozë, drejtuesit e të cilës do të tentojnë përsëri transferimin e gjermanit në ‘’ Camp Nou ‘’ në merkaton e verës. Ish mesfushori Deco po punon intensivisht për ti arritur objektivat por paraprakisht duhet theksuar se rivaliteti do të jetë shumë i ashpër , kundër Bayern Munchenit dhe Real Madridit. Interesi i gjigandëve europiane e vë në rrezik qëndrimin tek ‘’ Aspirinat ‘’ dhe ndoshta 20 vjeçari mund të shëndërrohet një ndër transferimet më të bujshëm të merkatos në të ardhmen. Në të kaluarën , Florian Wirtz e ka shprehur dëshirën për të qenë pjesë e ‘’ Blaugranëve ‘’ dhe ky fakt konsiderohet një fije shprese për fituesit në fuqi të La Ligas në lidhje me përforcimin e mesfushës me një ndër lojtarët më të spikatur të Bundesligës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
