Nuno Espirito Santo duket se ka qëlluar një ogur i mirë për Tottenham Hotspurin . Me marrjen e stolit portugezi ka ngjallur një entuziazëm të dukshëm tek kryeqytetasit të cilët kanë bërë një hap shumë pozitiv . ‘’ Spursat ‘’ kanë arritur firmosjen me Pierluigi Gollinin , i cili ka mbërritur në ‘’ White Hart Lane ‘’ me formulën e huazimit .
E kaluara e 26 vjeçarit ishte brilante pasi bënte pjesë në ekipet inferiore të Manchester United dhe më pas filloi ta zgjeronte suksesin me kalimin tek Verona , ekip me të cilin debutoi në Serinë A në vitin 2014 .
Cilësitë e italianit u vlerësuan menjëherë nga Aston Villa , trampolinë që i shërbeu për tu rikthyer në tokën e tij , pikërisht në rradhët e Atalantës . Me bergamaskët karriera e Pierluigi Gollinit ka shënuar ngjitje të konsiderueshme ku numëroi në total 108 ndeshje në Itali dhe 10 në Champions League , turne në të cilin të besuarit e Gian Piero Gasperinit pak e nga pak kanë fituar eksperiencë .
Një ndër pikat më të forta të ‘’ La Deas ‘’ e mbylli sezonin e kaluar me 32 ndeshje ku bergamaskët e mbyllën me pjesëmarrjen përsëri në tuneun më të rëndësishëm europian dhe gjithashtu me faktin e të qënit nënkampionë të Kupës së Italisë .
Duke filluar nga sezoni i ri Pierluigi Gollinin e pret një sfidë sa e vështirë aq edhe interesante me ‘’ Gjelat e Londrës ‘’ që do të kenë shansin e të qënit përsëri pjesë e Europës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
