Real Madridi, ofertë për Vitinhan

   Ashtu siç parashikohej Real Madridi vijon të jetë një ndër klubet më të përfshirë në këtë merkato verore.

Në zyrat e ‘’ Santiago Bernabeut ‘’ po punohet me shumë përkushtim për tu rikthyer sa më shpejt tek titujt dhe për këtë arsye presidenti Florentino Perez është shprehur i gatshëm të bëjë maksimumin. 

Manjati spanjoll do të mbahet mend gjithmonë për kontributin e dhënë ndër vite tek ‘’ Los Merengues ‘’, pa të cilin nuk do të ishin ekipi që janë sot. 

Objektivi i rradhës është Vitinha i cili pa dyshim është një ndër më të mirët në pozicionin ku aktivizohet. 

Portugezi e ka shpërblyer besimin e Luis Enriques, një trainer që i ka dhënë Paris St Germain trofeun e shumëdëshiruar ndër vite, atë të Champions Leagues. 

Kontrata e 26 vjeçarit përfundon në 30 qershorin e 2029-tës dhe vlera aktuale e kartonit i arrin 80 milionë eurot.

 Kjo shifër është përcaktuar referuar performancave të ishi-t të Portos, determinant në sezonin e shkuar për kryeqytetasit. 

Sigurisht të qënit pjesë e gjigandëve të Champions Leagues dhe jo vetëm tundon secilin lojtar dhe në fakt dëshira e Vitinhas është transferimi në ‘’ Santiago Bernabeu ‘’. 

Megjithatë, Xabi Alonso i ndërgjegjshëm për vështirësinë e arritjes së objektivit po analizon edhe dy emra të tjerë, respektivisht Mac Allister dhe Enzo Fernandez. 

Konkretisht kreu i ‘’ Los Blancos ‘’ ka ofruar 90 milionë euro për luzitanin, i cili e ka bërë krenar ish trainerin e Barcelonës gjatë eksperiencës në ‘’ Parque de Princes ‘’.