Nesër do të nisin ndeshjet play-off në NBA, duke i dhënë fund kështu bojkotit tre ditor për çështjen e Jacob Blake, amerikanit me ngjyrë që u qëllua me 7 plumba nga policia teksa u fut në makinën e tij. Fatmirësisht ai është gjallë dhe NBA do të fillojë, pasi është gjetur gjuha e përbashkët me basketbollistët për t’u rikthyer në parket.
Njoftimi, i pritur pas marrëveshjes së arritur dje mes lojtarëve për, erdhi me një deklaratë të përbashkët nga NBA dhe NBPA: "Ne kemi rënë dakord të rifillojmë të luajmë nga e shtuna e 29 gushtit.
"Dje kemi pasur një bisedë produktive midis të gjithë komponentëve - lojtarëve, trajnerëve, stafëve dhe menaxherëve - rreth hapave të ardhshëm dhe veprimeve që do të ndërmerren për të mbështetur drejtësinë dhe barazinë sociale,”-thuhet në deklaratë.
Një vendim që, megjithatë, nuk ndalon protestat. Kjo pasi liga dhe lojtarët thotë se do të gjejnë alternativa të tjera për të protestuar. Plani përfshin krijimin e një "koalicioni për drejtësi sociale, me përfaqësues të lojtarëve, trajnerëve dhe qeveritarëve, i cili do të përqendrohet në një gamë të gjerë çështjesh, duke përfshirë rritjen e aksesit në votim, promovimin e angazhimit civil dhe mbështetja për reformat e rëndësishme të policisë dhe drejtësisë penale ".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
