Atletico Madridi, interes për Marcus Rashford

   Dihet tashmë se Marcus Rashford do të rikthehet në ‘’ Old Trafford ‘’ gjatë periudhës së transferimeve. 

Anglezi zhvilloi një sezon tek Barcelona në cilësinë e të huazuarit, për të cilin s’kanë munguar pretendentët. 

Diego Simeone i ka bërë me dije drejtuesve të ‘’ Los Colchoneros ‘’ të nisin përpjekjet për të firmosur me golashënuesin, për të cilin Joel dhe Avram Glazer pretendojnë 35-40 milionë euro. 

Firmosja e ‘’ Los Cules ‘’ me Anthony Gordon e la automatikisht në prapavijë ishi-n e Manchester United dhe tashmë dyert e ‘’ Wanda Metropolitanos ‘’ janë hapur për të. 

Kontrata me ‘’ Djajtë e Kuq ‘’ i përfundon në 2028-tën por gjatë kësaj periudhe duhet të vendosë. 

Një kalim në Madrid mund ti vijë në ndihmë për të qenë në lartësinë e duhur në vijimësi duke qenë se nën urdhërat e ‘’ El Cholos ‘’ duhet të jesh tejet kompetitiv ose në të kundërt të takon të ngrohësh stolin. 

28 vjeçari e ka treguar gjithmonë se mund të bëjë diferencën, të cilit duhet ti japësh pa dyshim hapësirat e nevojshme. 

Eksperienca ndër vite si tek ‘’ Tre Luanët ‘’ ashtu edhe në nivel klubesh sigurisht e ka bërë më të ndërgjegjshëm në aspektin e të luajturit sfida të rëndësishme i cili gjithashtu po analizon edhe disa oferta nga Premier League.

 Marcus Rashford është një lojtar tejet i shpejtë, teknik dhe determinant në metrat e fundit. 

Nëse do të ketë fatin të veshë bluzën e ‘’ Los Rojiblancos ‘’ mund të shëndërrohet në një ndër protagonistët e merkatos së verës e cila pritet të përcillet me emocione dhe të papritura.