Armando Broja ndonëse në çdo ndeshje po tregon paraqitje shumë të mira, përsëri nuk po arrin të gjejë 90 minuta në ndeshje, si me Kombëtaren, ashtu edhe me skuadrën e Southampton në Premier League. Në lidhje me këtë, trajneri i skuadrës angleze, Ralph Hasenhutl, është shprehur se nuk e di nëse sulmuesi shqiptar është gati për të luajtur 90 minuta.
“Nga fillimi e nisi me Sheffield United, nuk luajti mirë. Te Shqipëria e nis gjithmonë nga stoli. Mendoj se është zëvendësues shumë i mirë. Nuk e di nëse është gati për 90 minuta, duhet të punojë shumë për të luajtur nga fillimi.”, u shpreh Hasenhutl.
Sot Southampton pret në shtëpi Leeds United, duke filluar nga ora 16:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
