Përveç afrimeve, te klubi i Kukësit po punojnë edhe për rinovimin e kontratave, me lojtarët që shihen si të rëndësishëm për sezonin e ri.
Ditën e sotme, klubi verilindor ka zyrtarizuar zgjatjen e bashkëpunimit, me mbrojtësin Redon Dragoshi.
Futbollisti 23-vjeçar ka zgjatur bashkëpunimin me Kukësin edhe për një tjetër sezon.
Njoftimi i klubit:
Kukësi njofton se ka arritur marrëveshjen me mbrojtësin Redon Dragoshi për të rinovuar kontratën edhe për 1 sezon tjetër. Mbrojtësi 22-vjeçar ka firmosur sot kontratën e re e cila skadon në verën e vitit 2023, duke zgjatur në këtë mënyrë bashkëpunimin.
Dragoshi erdhi të Kukësi në sezonin 2020-2021 duke arritur të grumbullohet edhe me Shqipërinë U21. Klubi i Kukësit i uron suksese mbrojtësit kuksian Redon Dragoshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
