U luajtën ditën e sotme dy ndeshje, të vlefshme për fazën çerekfinale në Champions League.
Real Madrid mposhti 1-3 Chelsea në transfertë, në një ndeshje ku heroi i madrilenëve ishte sulmuesi Karim Benzema. Francezi ishte autor i 3 golave, duke bërë që skuadra e tij të jetë me një këmbë në gjysmëfinale.
Madrilenët do e kenë më të lehtë ndeshjen e kthimit në Spanjë, pas fitores së sotme.
Një tjetër spanjolle regjistroi fitore në çerekfinale. Villarreal shtangu Bayern Munich, teksa fituan minimalisht falë një goli të Danjuma në minutën e 8-të.
Bavarezët do të kërkojnë të përmbysin rezultatin në ndeshjen e kthimit, por Villarreal tregoi edhe njëherë se nuk ka ardhur rastësisht deri këtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
