Skënderbeu po kalon një moment të vështirë në kampionat dhe ndaj Dinamos në fundjavë do të kërkojnë të kthehen te fitorja.
Pas tri humbjeve dhe një barazimi, te korçarët janë të dënuar për fitore dhe këtë e dinë fare mirë lojtarët.
Megjithatë, nuk do të jetë një ndeshje e lehtë, pasi edhe te Dinamo duan fitoren me çdo kusht, pas humbjes në derbi ndaj Tiranës.
Sikur të mos mjaftonin këto, te Skënderbeu duhet të përballen edhe me mungesa titullarët. Për këtë takim, do të mungojnë dy lojtarë të formacionit, si mbrojtësi Ramos dhe mesfushori Rabiu.
Të dy këta futbollistë u ndëshkuan ndaj Egnatias dhe kanë plotësuar numrin e kartonëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
