Rikthimi i Cristiano Ronaldos tek Manchester United do të ketë kosto për një komponent të anglezëve . Flitet për Edinson Cavanin që tashmë ndihet i kërcënuar në lidhje me faktin e të qënit titullar dhe agjentët e tij kanë filluar punën për ti gjetur një tjetër strehë uruguajanit .
Një ndër skuadrat më të përfolura që mund ti sigurojë një vend titullari të ashtuquajturit ‘’ El Matador ‘’ është Barcelona e cila pas largimit të Lionel Messit dhe dëmtimit të Kun Agueros është e detyruar të gjejë një alternativë të përshtatshme.
Duhet theksuar se kjo është dita më determinante e merkatos dhe mbetet për tu parë se si do të proçedojnë drejtuesit e ‘’ Los Cules ‘’ në lidhje me transferimin e 34 vjeçarit .
Lajmi është bërë me dije nga Mundodeportivo dhe ‘’ Blaugranët ‘’ nuk mund ti bëjnë ofertë komponentëve të cilëve akoma nuk i ka përfunduar kontrata por duhet shtuar se problematika më e madhe e kësaj historie mbetet rroga e shtatlartit nga Salto e cila arrin 9 milionë eurot në sezon , aspekt që e vështirëson kalimin e tij në ‘’ Camp Nou ‘’ .
Megjithatë akordi në fjalë e ka një rrugë shpëtimi që ka të bëjë me uljen e pretendimeve të Edinson Cavanit i cili do të kishte privilegjin për të përfaqësuar një ndër klubet më të famshëm të kontinentit të vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
