Pas zyrtarizimit, Ferran Torres ditën e sotme është prezantuar si lojtari më i ri i Barcelonës. Në fjalët e tij të para si futbollist i katalanasve, sulmuesi tha se u largua nga Manchester City, për të kaluar te klubi më i mirë në botë.
“Kur u largova nga Valencia e dija që do shkoja në një klub të mirë, por pastaj kur u largova nga City për Barcelonën, e dija që do shkoja në klubin më të mirë në botë dhe doja që kjo marrëveshje të ndodhte.
Jam shumë i lumtur që jam këtu. Të gjithë kanë qenë të mirë në dhomën e zhveshjes. Jam i emocionuar që të luaj dhe jam gati.
Çfarë nënkupton Barcelona për mua? E di që është klubi më i mirë në botë dhe gjithmonë garon për kampion, do provoj të jap gjithmonë më të mirën”, tha Torres.
Spanjolli iu bashkua Barcelonës për 55 milionë euro plus bonuse, duke u larguar nga Manchester City.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
