Manchester United ka hedhur një hap shumë të rëndësishëm për të ardhmen . ‘’ Djajtë e Kuq ‘’ pretendonin prej kohësh Raphael Varanen dhe më në fund ja kanë arritur qëllimit .
Ishte traineri Ole Gunnar Solskjaer i cili ditën e djeshme gjatë një konference për shtyp konfirmoi transferimin e francezit në ‘’ Old Trafford ‘’ duke kompletuar kështu copëzën që i mungonte 20 herë kampionëve të Premier Leagues.
Me të mbërritur në Angli 28 vjeçari është detyruar ti nënshtrohet një periudhe të shkurtër karantine dhe më pas Manchesteri të zyrtarizonte blerjen e mbrojtësit nga Lille . Kampioni në fuqi i botës do të jetë pjesë e gjigandëve të Premier League deri në qershorin e 2025-sës me qëllimin e rikthimit të tyre në majën e futbollit anglez dhe atij europian .
Mungesa e titujve tek nënkampionët e Anglise i ka përshpejtuar lëvizjet e drejtuesve për ti dhënë një herë e mirë fund kalvarit të vuajtjeve dhe të ecin drejt rrugës së sukseseve e cila parashikohet se do të ketë shumë pengesa për shkak të konkurrencës shumë të ashpër që ekziston ndërmjet klubeve më të famshme në planet .
Eksperiencën tek ‘’ Galaktikët ‘’ Raphael Varane e finalizoi me 360 ndeshje në total , 17 gola dhe 7 asiste dhe tashmë do të provojë ndjesinë e përfaqësimit të një tjetër ekipi me shumë histori .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
