Puna e Barcelonës po vijon me ritmet e duhura por njëkohësisht arritja e suksesit ka nevojë për kohën e caktuar .
Aktualisht katalanasit konsiderohen si klubi me më shumë probleme ekonomike ndër të mëdhatë e kontinentit të vjetër por këmbngulja e drejtuesve spanjollë për të dhënë maksimumin shtohet dita-ditës .
Jo vetëm prurjet janë pjesë e planeve të ‘’ Los Cules ‘’ të cilët duhet të tregohen shumë të kujdesshëm kundrejt peticioneve për lojtarët që kanë lënë gjurmë në skemat e Ronald Koeman .
Ndër talentët që e ka kuptuar më shpejtë ideologjinë e hollandezit është Ansu Fati . 18 vjeçari ka impresionuar tek një skuadër të etur për sukses të cilën largimi i tridentit Neymar – Messi – Suarez e ka lënë tejet të varfër .
Spanjolli është në duar të sigurta sepse interesat e tij përfaqësohen nga Jorge Mendes, ndër më të mirët në qarkullim. Por idetë e tyre nuk përputhen me ato të ‘’ Blaugranëve ‘’ sepse po shqyrtojnë rinovimin e kontratës të shoqëruar me një rrogë më të lartë , arkat e të cilëve nuk e përballojne dot.
Megjithatë largimi i paparashikuar i Lionel Messit tek Paris St Germain e ka rritur vigjilencën e drejtuesve spanjollë të cilët duhet të marrin aksione të menjëhershme për të mos e dobësuar Barcelonën.
Në një moshë të tillë lojtarët përgjithësisht synojnë te kenë sa më shumë hapësira por gjendja e rënduar e Barcelonës lë vend për gjithçka gjatë merkatos së dimrit .
Ansu Fati konsiderohet ndër talentët më të mëdhenjë të dalë nga ‘’ La Masia ‘’ por situata aktuale nuk mundëson ndërhyrjet cilesore , fakt që konceptohet si një nevojë urgjente për fuqizimin e arkave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
